الجــــــراح

مــــآنسينــــا




عسى ما زعلتك البارح وزودت الجراح جراح





عسى ما مرت الدمعة على أهدابك من أسبابي ..!




جرحتك من كثر شوقي وخليت الكلام رمـاح



ولادري شلون ياعمري طعنتك حيـل بعتابـي ..!



بدون شعور صدقني ترى كثـر الغـلا ذبـاح


تعال وشوف بغيابك غـلاك شلـون سوابـي ..!




حرام تغيب من عمري وتعطيني الفراق وشاح


حرام الدمع في عيني مناديله هـي أهدابـي ..!




غيابك يشغل عيون الزوايا وأمتلـي أشبـاح


وأنا أنثر صوتك بقلب المكان وأشعل أبوابـي..!




تلفت للأمل دام الرجا فـي عمـري الملـواح


أناديلك ولو شرهة وصولك تقطـع أعصابـي ..!





أبيك الجاي من عمري أنا مابيك شـي وراح


مدامك أجمـل وأخـر مدامـك أول أخواني ..!




أبي أرتاح ياعمري أنا أدري هم تبـي ترتـاح

تعال وقبل ما أفرح ترى تفـرح بـك ثيابـي ..!




أحبك يا بعد عمر الحزن والجـرح والأفـراح

أحبك كثر ما نامت عيونـك داخـل أهدابـي..!








!